രോഷ പ്രകടനം

" അല്ലെങ്കില്‍ തന്നെ നമ്മളും അവരും തമ്മില്‍ എന്തു വ്യത്യാസം. നമ്മള്‍ അവരെക്കാള്‍ കൂടുതല്‍ ജോലി ചെയ്യുന്നതോ ? എത്ര പുരോഗമിച്ചുന്നു പറഞ്ഞാലും ഇവര്‍ക്ക് ഉള്ളില്‍ ഇപ്പോഴും വര്‍ണ വിവേചനം ഉണ്ട്... educated ആണു പോലും .. " ചുറ്റും ഇരിക്കുന്നവരെ നോക്കി അവന്‍ വാചാലന്‍ ആയി. വെള്ളക്കാരുടെ വര്‍ണ വിവേചനത്തിന്റെ എതിരെ ഉള്ള അവന്റെ രോഷം പതഞ്ഞു പോന്തുന്നുടായിരുന്നു അവന്റെ മുഖത്ത്.

ഫോണ്‍ ശബ്ദിച്ചു "ഹലോ ... ആ പറയൂ... കാര്യം പറയടേ ... എന്തു ... അയ്യോ .. നിനക്കു എന്താടോ വട്ടാന്നോ.. കീഴ് ജാതിക്കാരിയെ പ്രേമിക്കാന്‍ .. പ്രേമം ഒക്കെ കൊള്ളാം .. പക്ഷെ സ്വ ജാതിയില്‍ ആയി കൂടെ .. നാണം ഇല്ലേ നിനക്കിതു പറയാന്‍ .. എനിക്ക് കേള്‍ക്കണ്ട നിന്റെ മണ്ടന്‍ പുരോഗമനം .. ശരിക്ക് ചിന്തിക്കൂ ... പറഞ്ഞേക്കാം ഞാന്‍ .. ഇതു പറയാന്‍ എന്നെ ഇനി വിളിക്കണ്ട .. "

ഫോണ്‍ വെച്ചു അടുത്ത രോഷ പ്രകടനത്തിലേക്ക് കടന്നു അവന്‍